قول ياحبيبي
ياحبيبي قوللي مالك
وإيه بس اللي جرالك
ليه بتبعد عني ومش علي بالك
وكل شويه تغيب عني وتهجر قلبي
وعلي طول بيك شاغلني
ومن قربك ياحبيبي حارمني
وإنت عارف كل يوم بنبعد فيه عن بعضنا
من غير مانحس بيسرق سنه مننا
لحد مايضيع ياحبيبي عمرنا
انت عارف إنه صعب عليا
اتحمل بعدك عني وانت ضي عنيا
وازاي اعيش في الدنيا محروم منك
شوف في بعدك إيه جرالي
وقد إيه الشوق تاعبني وشاغل بالي
ياريتك ياحبيبي ماتبعد عني تاني
وتسيبني أعيش في الدنيا وحداني
ياللي حبك ماكان علي بالي
عيشته مع طيفك سنين في خيالي
ياحبيبي قوللي بايعني ولا شاريني
ولسه فاكرني ولا خلاص ناسيني
ليه سايبني أسهر وحدي اعد النجوم
وابعتلك مرسال بدموعي كل يوم
وانت ناسيني ومابتسأل عني
ياحبيبي الشوق كاويني قرب مني
ياحبيبي إوعي تكون بتلعب بيا
هيبقي كتير صعب عليا
إزاي أحبك وتعذبني
واسأل عنك ماتسأل عني
وانت حبك حلم الزمان
ولو نسيتني الاقي فين الأمان
خواطر (اشرف الدغيدي)
labada-website
صحة ثقافة-فـن- نجوم -جمال -خواطر-شعر