مين أحبابك 
ليه ياحبيبي بتقسي عليا
عايز تعلمني القسوه والقسيه
دا مستحيل قلبي بعد ماحبك
يقدر يقسي
ومهما ظلمت فيا ياحبيبي مش هقدر لحبك انسي
ياحبيبي من يوم هواك مازار قلبي
فضلت احبك من غير. مااقولك علي حبي
وعينيا فضلت سهرانه وما داقت النوم
كنت احبك من بعيد لبعيد وازاي الوم نفسي وحبك خلاني سعيد
وكفايه عليا أطمن عليك كل يوم
والعذاب إللي شوفته في بعدك
أهون بكتير من جفاك وظلمك
وانت مش داري بحبي ولا حاسس بيا
ياما بكاني الهوي اللي مش نصيبي
ويصعب عليا كل ده يحصل من حبيبي
حتي نظرة عنيه اللي دوبوني مستخسرها فيا
وقولت ابعد يمكن تشتاق ليا
ويجيي يوم تحس بيا وتحن عليا
وفضل قلبي ملهوف عليك
وخدني الحنين وشغلني بيك
والشوق خلاني يوماتي
ادعي لقلبك يسمع دقات قلبي وهيا بتناديه
حبي ليك ماقطع الأمل فيا
والاقي قلبي ياخدني وأسأل علي أحوالك
واسمع روحي بتعاتب روحك وتسألها مين أحبابك
وكل مايزيد حبك وهواك جوايا
اسأل نفسي ليه جفاه وظلمه
وانا اللي حبيته الحب كله
وبقيت حياتي ونور عينيا
طمني ياحبيبي وريحني
إن كنتِ مشغول بغيري قوللي
علشان ارتاح من الأوهام
اللي افتكرتها احلام ورسمتها
وهتمنالك السعاده مع اللي اختاره يبقي احبابك
وادعي لحبيبك يحبك قد مابحبك
علشان قلبك مابتعذبش وتعذبني
ويزيد عذابي وانشغالي
وكفايه عليا أحبك من بعيد لبعيد
ومن غير مااقولك هفضل اسهر لحبي الوحيد
وافرح لما الاقيك عايش سعيد
غصب عني ياحبيبب انكتب عليا أحبك
وازاي الومك وهو غصب عنك
انكتب علي قلبك تحب غيري
قدر ونصيب لاهو ذنبي ولا ذنبك
وكفايا عليا أحكي ع اللي جوايا لطيفك
خواطر
اشرف الدغيدي
labada-website
صحة ثقافة-فـن- نجوم -جمال -خواطر-شعر