تشد الرحيل 
يبقى القلب من بعدك عليل
لاهو مال ولالغيرك يميل
ليش اتغيب وتشد الرحيل
ليش اتغيب
يصير الكون من بعدك كئيب
تهون الود وتهجر ياحبيب
يزيد الجرح لو غاب الطبيب
يتوه العقل ويضيع السبيل
وليش اتهون
غلانا اللي ماايجي دونه دون
ماكنت تهجر اللي غلاك يصون
تبعد وينزف دمعهن العيون
على صوب عمره مايجيه بديل
ليش الغيبة
لاشفت سيه ولا رضيت العيبة
انت اللي كاين حنان وطيبة
ماعمر حبيب يهون يوم حبيبه
ولا في نهار يبيع خل خليل
تشد رحيلك
تنسى ايام الود ومواويلك
ياما بحنانك جيتني ونمشيلك
واليوم كيفي راك ساهر ليلك
مشتاق لكن مالقيت دليل
رحيل قتلني
يانبض روحي ياسبايب حني
انت حبيب القلب وقطعة مني
ماحسبت ايصير ف يوم تخيب ظني
وماحسبت ودي يكون حمل ثقيل
سديم العمر الزلاوي
أكاديمية الشمس للشعر والأدب والثقافة