الحب حنيه
ليه ياقاسي تخلي قلبي يحبك ويشكيلي منك
ويآخد علي خاطره من أسوة قلبك
ويجيني يحكيلي عن عمايلك
وهو بيبكيلي من ظلمك وجرحك
ولما اقوله تعالي نتعلم منه الأسيه وننساه
وما نفكر فيه تاني وننسي هواه
القاه رجع تاني يحنلك ويكلمني احلي كلام عنك
رغم إنه عارف وحاسس بيا
وأد ايه جوايا حب وحنيه
وطول عمري بأكره الغدر وأخاف من الأسوه والأسيه
وعمري ماخلفت وعد
ولا خونت يوم عهد
وعدت بيه وخدته عليا
وصعب عليا أسامح اللي يجرحني أو يغدر بيا
طول عمري بحلم بحبيب أحبه حب حقيقي اخلصله ويخلص ليا
ولما اوصفله نار أشواقي
وأشكيله كل أوجاعي
واحكيله عن غرامي
القاه حاسس بيا
واتمني تدوم فرحتي وياه
واعيش أحلي أيام حياتي معاه
ياحبيبي دا الحب وفا وإخلاص وحنيه
لا فيه اسوه ولا جرح ولا أسيه
واحاسيسه دايماً صادقه وحقيقيه
وما يعرف غير القلوب الصافيه ونقيه
ولما نتطمن للي نشتريه نبيع علشانه الدنيا
خواطر اشرف الدغيدي
أكاديمية الشمس للشعر والأدب والثقافة