وضحكتلي الأيام
وضحكتلي الأيام لما نصيبي جاني
آه من الهوي ياني حققلي كل الأماني
إنتي حبيبتي وياما حلمت بيكي
ولما شوفتك قلبي حبك وداب فيكي
وعلي طول الشوق والحنين خدوني ليكي
ياما شوفتك في منامي
وياما عيشت معاكي في خيالي
وياما سهرت ليكي وشغلتي بالي
عيونك الحلوين خلوا الفكر علي طول سارح
ورمشك خلا الهوي لقلبي جارح
إنتي حبيبتي وفرحتي
مهما طال إنتظاري ولوعتي
تسعدني نظره لكحلة عيونك اللي دبحتني
عمري كله ياحبيبتي فداكي
ومهما طال انتظاري هستناكي
ياحبيبتي قبل ما أحبك إحساسي كان غايب عني
ولما شوفتك تاه عقلي مني
وبعادك عني فارق عيوني النوم
واليوم كان بيعدي عليا كام يوم
وياما اشتكت من طول السهر عيوني
وياما الدمع جرح في وحدتي خدودي
والعُزال لما شافوني لآموني
وحسادي عليكي ياما حسدوني
اتحملت في هواكي كتير
لما ملكتي حياتي وعمري من غير تفكير
والأمل في قربك خلا دموع الأشواق مافارقتني
وبان عليا حبك وعيوني لكل العيون فضحتني
ومن كتر انشغالي صعب عليا حالي
أسهر الليل مع طيفك وقلبي ولهان
ولما اقرب منك يدوبني الحنان
وافكر في حالي قبل منك اندم علي الأيام
وانشغل في الحب بالي وتاه عقلي في الأحلام
وقلبي في العشق والهوي صبح غرقان
ويسقيني طيفك الحب كله
والشوق والحنين خطفوا قلبي وملكتي نبضه
مكنتش اعرف ان الحب جميل كده
وهيخلي الدنيا حلوه في عنيا بالشكل ده
ربي يخليكي ليا ياعمري
ياعوض سنيني وصبري
يااجمل احساس في قلبي
وأحلي هديه من ربي
خواطر
أشرف الدغيدي
أكاديمية الشمس للشعر والأدب والثقافة