مستحيل نكمل المشوار
ليه توعدني بالجنه والنعيم وتخلا بيا
طمنتني ع الحب اللي اتمنيته طول العمر ليا
واتمنيت اعيشه معاك واتهني بهواك
وخليتني بنيت قصور عاليه من الأحلآم
وبقيت أحلم أحلام جميله كل ليله بشوفها في المنام
وفرحت بيك انا وقلبي وقُلت عوضني بيك الزمان
وطلعت قاسي وقلبك حجر ومستحيل نكمل المشوار
أرحم من إني اعيش في مرار الإختيار
ليه تظلمني وتكسر قلبي وهو مليان حنيه
وحكايتي معاك إبتدت بالهجر والقسيه
والجنه اللي وعدتني بيها إتصورتها ورسمتها في خيالي طلعت كلها اوهام
تخدعني ليه وانت عارف إن الحب بالنسبالي هو الأمان
يآ الف خُساره ع الحب اللي كان
اتعلمته واتمنيته وحلمت بيه مليان حنان
وفي اول طريق الهنا يادوب خطوتين قلبك خدعني وسيبتني
وصدمتني لما قولتلي مسافر وبكل قسوه وجفا ودعتني
حتي لما شوفت دموعي منهاره بكلمه حلوه ماقولتلي
ياقسوة قلبك علي قلبي اللي كله حنيه
ليه يا قاسي تحرمني من فرحتي وتعمل كده فيا
الفرحه كانت في قلبي وعنيا وموتها
وخليتني اندم علي كل لمسة إيد لإيدك لمستها
لما بكيت لحظة وداعك والحنيه في نظرة عينيك ماشوفتها
الله يسامحك ياقلبي ليه حبيت اللي مايستاهل حبك وحبي
ألومك علشان ما سمعتش كلامي ودقيت لقاسي وياما قولتك داري وخبي
ولا الوم نفسي علي طيبتي وسوء اختياري
واللي وثقت فيه واتعلقت بيه
غدر بيا ومارحمني
ابكي عليك ياقلبي ولا ابكي علي حالي
نحب ونوفي وندور علي شوية حنيه ما نلاقي
فوق ياقلبي من وهمك وإتعلم من اللي حصلك
وانصح القلوب الطيبه اللي مليانه حنيه ماتبقي يوم زيك
خواطر
اشرف الدغيدي
labada-website
صحة ثقافة-فـن- نجوم -جمال -خواطر-شعر